سئوگيسيز ليق نه ياخشيدي!

ياغيش ياغير، ياز ياغيشي
ياغ اي ياغيش-ياغگينان سن
سنه احسن، سنه آلقش
ياغ اي ياغيش-ياغگينان سن
بو چوللره چمنلره ياغگينان سن
سوسوزدوغدان خزان اولان چيچك لره ياغگينان سن
ياغگينان سن
آرزولارا ديلگ لره ياگينان سن
محبت دن آلولانان اورگلره ياغگينان سن
ياغگيان سن
ياغا ياغا ايسلات گينان پالتاريمي
قايتار منه گنجليگده كي اوز عهديمي، ايلقاريمي
اله ياغ كي قوي ايستانسين اليمدكي قلم، وارق
يادم دادي نئجه ياغدون دوز اوتوز ايل بونان قاباغ
اله گوزل ياغموشدون كي ايسلانميشدي اوز گوزوميز
اوتورموشدوغ قالا آلتيندا، بير آغاجين آلتيندا بيز
سن ياغديغجا دامجي لارون سپيليردي اوزوموزه
ايكيميز ده ايسله ميرديك دوروب گدك اويميزه
قورخوردوغ كي دوروب گتسك، خلل گلر سوگيميزه
سن بير شعرسن كي
سن بير نغمه سن كي
آغزون يوخدي، ديلون يوخدي،نجه دييم بيله سن كي
سن ياغاندا ياماجدارا ،دوزنلره جان وريرسن
زمي لرده سنبل لرين دامارينا قان وريرسن
ياغ اي ياغيش
قوربان اولوم، سحره جن ياغگينان سن
دايانمادان، قالا آلتندان شهر جن ياغگينان سن
ياغگينان كي كولرجده سولان گوللر چيچك آچسين
بو اوركه دن، بو ديار دان، غصه، كدر، اوزاق قاچسين
ياغا ياغا نه اولار كي خبر آپار سوگيليمه
آمان گوندي، بو حاليمي بو گونومي اونا دمه
دوگه دوگه پنجره سين ده گينن كي گليب دي يار
قالا آلتيندا شير علينن بش بش اوينيريتيم عيواض